Është shfaqur këtë të premte në kinema, premiera e filmit shqiptar “Ndërkombëtarët” me skenar të Ylljet Aliçkës dhe regji të Pluton Vasit.
Por ajo që u vu re, ishte mungesa e Drejtorit të Teatrit Kombëtar Hervin Çuli, i cili për hir të së vërteës ka një rol të rëndësishëm në këtë film, raporton “Gazeta Shqiptare”.
Mungesa e Çulit u vu re edhe nga producentja e filmit Vjollca Dedei.
“Do doja ta thërrisja por nuk e shoh”, u shpreh producentja
Por ishte regjsiori Vasi, njëherësh bashkëshorti i producentes i cili këtë moment zgjodhi ta kalojë duke thënë shkurtimisht: “Po merret me teatër”.
Zyrtarisht nuk dihet ende se përse Çuli ka zgjedhur të mos jetë i pranishëm në këtë film, ku ka edhe rol të rëndësishëm.
Kujtojmë se në film luan si protagonist edhe gazetari Eni Shehu, me të cilin Çuli pati përplajse, duke krijuar kështu dyshimet e para të mungesës së Drejtorit aktual të Teatrit Kombëtar.
Ndërkohë në premierë nuk mungojnë Alfred Trebicka, Kastriot Çaushi dhe shumë të tjerë pjesë e kastit të aktorëve. Filmi trajton prapaskenat e diplomacisë sipas librit të Ylljet Aliçkës.